ఘనంగా శర్వానంద్ ఎంగేజ్ మెంట్.. హాజరైన రామ్ చరణ్ దంపతులు.. ఫొటోలు ఇవిగో

టాలీవుడ్ మోస్ట్ ఎలిజిబుల్ బ్యాచిలర్, హీరో శర్వానంద్ పెళ్లిపీటలు ఎక్కబోతున్నారు. రక్షితారెడ్డితో ఆయన వైవాహిక బంధంలోకి అడుగుపెట్టబోతున్నారు. ఈరోజు ఉదయం హైదరాబాద్ లోని ఓ హోటల్ లో వీరి నిశ్చితార్థం అంగరంగ వైభవంగా జరిగింది. ఈ వేడుకకు హీరో రామ్ చరణ్, ఆయన భార్య ఉపాసనతో పాటు పలువురు సినీ ప్రముఖులు హాజరయ్యారు. కాబోయే వధూవరులకు సినీ సెలబ్రిటీలు, అభిమానులు శుభాకాంక్షలు తెలుపుతున్నారు. పెళ్లి నేపథ్యంలో సినిమాలకు శర్వానంద్ కొంత బ్రేక్ ఇచ్చినట్టు తెలుస్తోంది.